衷心感謝「香港科技專上書院(科專 HKIT)」呢間學校，給我一個家嘅感覺

更新: 2024年06月06日

 

 

當我決定投考警隊發現自己學歷未達到要求，於是係google搵毅進文憑課程，有好多間學校，每一間都click入去睇過，但係直覺叫我揀「香港科技專上書院(科專 HKIT)」。

後來先發覺我非常幸運地求求其其揀咗一間非常之好的學校，遇到一個盡心盡力嘅亞sir「Mark sir」。

一開始覺得覺得佢好惡，不過我唔驚，因為嚴師出高徒，後來證實佢真係幾惡哈哈（不愧以前係西九龍CID）不過一切嘅「惡」都係因為佢著緊我地考入去警隊，每日苦口婆心地叫我地堅持、努力。係我地投考當日，佢係大陸，都時刻同我地聯繫，叫我地唔好緊張。

學校同Mark sir盡力地幫我地安排咗好多有關投考警隊嘅活動，我全部都有參加，而負責活動嘅人全部都係在職警員，通過同佢地相處以及溝通，對警隊呢個部門加深了認識，亦都更加堅定投考警隊嘅目標。

我由一開始說話都唔敢多講，到後來自信地係考官面前自我介紹，回答投考警隊的問題。一系列嘅投考警隊活動真的功不可沒。同時亦因為呢啲活動令我認識咗一班志同道合嘅同學仔。大家放學一齊溫書、一齊討論研究最近嘅投考警隊資訊、新聞資訊。呢一年嚟真係好開心，見到目標因為我嘅努力而越嚟越近。

係成功加入警隊後，當我以為課堂完成，學費用完，Mark sir就此同我地say bye bye，點知佢依然照顧我地，經常聯繫關心我地近況。係學堂裡面有問題或有唔開心WhatsApp佢，佢都一定會回覆，盡力幫我們解決問題同安慰我們。

而家經過27週警員基礎訓練，成功畢業喇！衷心感謝「香港科技專上書院(科專 HKIT)」呢間學校，給我一個家嘅感覺。