感謝Mark Sir、「香港科技專上書院(科專 HKIT)」以及「九龍城警區-招籽計劃」各位長官

更新: 2024年06月05日

 

 

由於我好想成為警隊既一份子，但係因為學歷未能夠達到入職警隊的標準，所以經過家人了解相關課程資料後，決定選擇到「香港科技專上書院(科專 HKIT)」修讀「警隊實務文憑課程」。

因此認識了Mark Sir！我的大恩人

一開始入班既時候，修讀「警隊實務文憑課程」的時候，都係抱著可以畢業就算了的心態，都沒有想過可以一切咁順利，成功畢業、快速面試成功、同埋接受警員基礎訓練。

一切都要從偉大既Mark Sir講起，一年既警務知識課程學到好多有用的投考警隊知識，例如參加左「警察招募組-志警成計劃」同「九龍城警區-招籽計劃」，認識了好多不同崗位、不同階級、不同工種的現職警務人員，亦都會教導我們各式各樣的警務知識。

當然，最重要係Mark Sir同「香港科技專上書院(科專 HKIT)」及「九龍城警區-招籽計劃」比我們的資源！所以「香港科技專上書院(科專 HKIT)」一定係我的首選。

到了四月份，就會開始進入「警員遴選程序」，我係最快面試的一組同學。由於經過Mark Sir 及「九龍城警區-招籽計劃」的操練，一切遴選程序都非常之順利。因為Mark Sir會帶住我地、教我地每一步應該點做，GI應該溫啲咩問題、FIB應該注意甚麼，警隊實務經驗和警隊知識，總而言之就非常順利，之後好快考完試，等電話通知入學堂。

之後，十月份簽約，當時一直係度等「警察招募組」電話既時候，真係好緊張，我清晰記得收到電話既時候，我係出面，之後手機響，係警隊電話，勁開心同埋勁興奮，之後問我有沒有時間簽約，我即刻回答「有」，電話掛了之後，即刻喊咗出來，係開心既喊。

之後到入學堂進行二十七週訓練，第一日好期待同埋緊張，入班第一日剪頭髮，告別了陪伴我多年的長頭髮，都係有啲傷感既。但係人生之中如果無入學堂都唔會有勇氣剪短頭髮，所以都係一種榮譽，我亦都好驕傲，剪完頭髮就開始正式一日既訓練啦，開始跑步！

學堂生活係開心既，二十七週其中都有笑、有淚，但更多係同一班同學仔合作，我地CI同ACI經常同我地講，警隊係一個大家庭，大家一定要互相幫助，唔可以只係顧住自己，所以到後面我地會更加互相幫助，亦都係學堂學識了很多新的警隊知識，同埋學識了燒槍、RC、步操。

所以我好感恩，可以有哩個機會入學堂訓練，係一起既團體生活，一起度過二十七週，又係人生中只能有一次，所以大家要好好珍惜，好多作為一個市民根本體驗唔到既警員基礎訓練課程！

一開始入班，一定會唔適應，因為要住宿，同埋課程不斷，但係慢慢習慣後，發現學堂生活令你作息規律，運動會令你身體健康，真係好充實既每一日！

不知不覺已經25週啦，我地作為師姐都要準備畢業啦，哩兩日去咗自己既警署試更，師兄亦都好有耐心解答我地既問題，同埋當我地真係作為一個警察穿著制服出去，市民真係當你係警察，唔係RPC，所以我會儘量保持專業精神，同師兄一起處理，係旁邊學習，主要係需要主動，正所謂做警察要大膽問，唔好唔講嘢，正常我地好多事情都唔識，所以要虛心請教啲師兄、師姐，同埋阿頭。一切亦都非常之順利，哩次試更體驗簡直一百分。

非常多謝Mark Sir同「香港科技專上書院(科專 HKIT)」哩個「警隊實務文憑課程」以及「九龍城警區-招籽計劃」，讓我成功畢業。如果冇你地既「警隊實務文憑課程」，我都冇機會可以投考警隊，同埋可以順利畢業加入警隊哩個大家庭

再一次多謝Mark Sir同「香港科技專上書院(科專 HKIT)」以及「九龍城警區-招籽計劃」各位長官。